Bharatiya Gyan Parampara Aur Aadhunik Vittiya Prabandh Ka Sankshipt Adhyayan

Abstract

Bharatiya Gyan Parampara Mein Vittiya Prabandhan (Financial Management) Karna Keval Labh Kamane Ka Sadhan Nahin Tha, Balki Dharma Aur Naitikta Par Aadharit 'Artha' (Dhan) Ka Srijan, Sanrakshan Aur Vitran Bhi Tha. Yah "Yogakshema" (Praapt Ka Sanrakshan Aur Apraapt Ka Arjan) Par Kendrit Tha. Kautilya Ke Arthashastra Mein Karadhan, Rajkoshiy Anushasan Aur 'Vyaya' Se Pehle 'Aaya' Ki Suniyojit Vyavastha Ka Varnan Kiya Gaya Hai. Bharatiya Gyan Parampara (Indian Knowledge System-IKS) Vishva Ki Prachinattam Gyan Paramparaon Mein Se Ek Hai. Ismein Keval Adhyatmik Ya Darshanik Chintan Hi Nahin, Balki Shasan, Arthavyavastha, Vyapar, Kar Vyavastha, Vittiya Anushasan Tatha Sansadhan Prabandhan Ke Vyavaharik Siddhant Bhi Samahit Hain. Kautilya Ke Arthashastra, Ved, Upanishad, Mahabharat Tatha Bhagavad Gita Jaise Granthon Mein Aarthik Samriddhi, Naitik Vyapar, Rajsva Prabandhan Aur Lok-Kalyan Par Vishesh Bal Diya Gaya Hai. Aadhunik Vittiya Prabandhan Ka Uddeshya Nivesh, Poonji Sanrachna, Labh Adhiktamikaran, Jokhim Prabandhan Tatha Shareholders Ke Moolya Mein Vriddhi Karna Hai. Vartaman Vaishvik Aarthik Parivesh Mein Keval Labh Kamana Paryapt Nahin Hai, Balki Pardarsita, Uttaradayitva, Naitikta Aur Satat Vikas Bhi Saman Roop Se Mahatvapurn Ho Gaye Hain. Yah Shodh-Patra Bharatiya Gyan Parampara Aur Aadhunik Vittiya Prabandhan Ke Beech Sambandh, Samanataon Tatha Samkaleen Sandarbh Mein Unki Upyogita Ka Adhyayan Karta Hai. Adhyayan Dvitiya Sroton Par Aadharit Hai Aur Iske Nishkarsh Batate Hain Ki Bharatiya Gyan Parampara Ke Naitik Evam Lok-Kalyankari Siddhant Aadhunik Vittiya Prabandhan Ko Adhik Uttaradayee, Naitik Evam Tikau Bana Sakte Hain.